Creamcheese Sponge Cake 忌廉芝士海綿蛋糕。附食譜

最近有朋友話想食當年紅極一時既伊騰家芝士蛋糕，而我印象中又好似整過一次，就翻查自己以前寫低既食譜，喺個記憶中呢個蛋糕既做法比起 New York Cheesecake 又或者芝士凍餅係相對複雜既！一見到個日式芝士蛋糕既食譜就諗都唔諗照住做！點知.... 世事往往令人驚喜.... 呵呵，整完出嚟食兩啖就覺得一啲都唔似當年排長龍都有一百幾十人買既芝士蛋糕，反而係接近 New Yory Cheesecake 既輕芝士版。開心既係我食出咗個回憶，記得果個食譜係當日我重返校園既同學仔為本小姐生日而喺東海堂買既北海道 3.6 牛乳芝士蛋糕！雖然個蛋糕都係好好味既，但朋友仔始終都唔係想要呢個味道我又點可以亂交功課呢？！我記憶入面伊騰家既芝士蛋糕係比較接近海綿蛋糕，所以就將個食譜改咗少少等個蛋糕輕身啲、乾身啲！成就今日呢個忌廉芝士海綿蛋糕，我自己就䁷得味䢭山同口感都好相似啦，等一陣朋友仔放工就可以過嚟接走佢啦！

忌廉芝士蛋糕
Creamcheese Sponge Cake
材料：8"
Ａ　忌廉芝士 　　牛油 　　淡忌廉／鮮奶 Ｂ　低筋麵粉 　　粟粉 Ｃ　蛋黃	160 25 120 40 30 4	g g g g g pcs	Ｄ　蛋白 　　泡打粉 　　砂糖 　　鹽	4 1.5 90 0.5	pcs g g g
做法：
⒈將兩個 20 厘米圓形模具掃油。 ⒉把 Ａ 放入不銹鋼盆內，隔水加熟攪至濃稠。 ⒊加入 Ｂ 拌勻，再加入 Ｃ 拌勻待用。（一隻一隻放入） ⒋将 Ｄ 中的蛋白攪拌至發泡，加入剩餘材料繼續打至濕性發泡，再加入以上的芝士混合料攪拌均匀。 ⒌倒入模具中约 8 分滿，用隔水蒸焗法以 160 度上下火烤 40-45mins 至表面金黄色即可。